Archive for 06/01/2010

看見好幾個品牌於今年冬季,除左年年都有既feather&針織物, 我覺得比較特別仲有sheer. TOPSHOP fall2010 lookbook入面仲有好幾款飄逸透視長裙,有型又有夠lady. 大概透薄及喱士質料依然可以繼續.^^好呀!我中意~~~

貪得意又鈎多頂帽.今次係寬邊大草帽....加朵大白花,繼續夏日感覺!

momoko既樣就唔似blythe咁多變,冇開合眼又冇得開口, 忽然諗到底個樣冇變可唔可以有唔同既感覺? 影影影~~~ 都係post唔夠變化.感覺没有太大的衝擊. 但係我依然鍾情momoko.可能貪佢冇表情似我夠一舊雲呀!^^"

昨日終於跟好友看了<<分手說愛你>>這齣電影。好看。真實。
是聽了電台的推介想這齣戲....
是真的,好幾個場口都有熟識的感覺，大有共嗚的場口如下：

份工我冇做la.可以多d時間陪你丫ma....　(@__@")
係澳門.行極都行唔到去目的地。 (女仔說:)不如搭車la。(男仔說:)好快到la係前面咋..
再行左半個鐘~~~
(女仔說:)你又話係前面既,咁耐都未到,不如搭的士la。(男仔說:)都話係前面就快到,點解你唔信下我呀!??
然後,吵架了....
(女)你有冇計劃過將來!? (男)有呀
(女) 咁你想做咩? (男)我想做生意.
(女)咁你想做咩生意? (男)我未諗到,總之搵d生意搞下,打工唔啱我 (@_____@""")
(女)你忙咩r? (男)我忙緊我忙既野囉!(打機中~~)

......................
其實呢d係咪每一對情侶都會經過呢d對話呢? 如果係就話....共勉之啦!

\

粉色同Rose真係好夾. 令佢好有温柔既感覺.
rose到手冇耐.就被我拆開左佢既束髮,覺得好似太鬆散唔好睇,而家再次束上小頭帶感覺好好多la.

^^媽又買野比我. 今次佢買左幾條短衭.係近排好興既千層lace. 咁我又做返條比momoko先.
配上返抄舊作既紫色長背心.加一條belt. 條blet都係新做既.用左買左成年有多既窩釘洞.真係好難整.釘2口都已經整到手軟..... 係咪我唔識整咋!??

造公仔衫做到上腦.睇fashion blog都唔夠.仲要睇埋fashion show.... 中哂毒.

係咁就不如唔好浪費. 同大家分享下未來動向啦.
D&G fall2010 好多針織物,好靚r 再加對毛boot.酷~~~
即刻癮起.要織野先得, 我從來都冇織過pattern,今次製品新目標^^

前一排媽咪買左d迷你野比我,佢話見到好平10蚊一盒喎..不過我放左係度好耐都冇咩用.今日終於開來玩下, 見入面有2支啤酒好可愛.請momoko飲先..^^

一次過飲2支~~~醉左!!!

又做多件牛仔褸... 好耐之前我做過一件深色,今次再做我覺得進步不少見^^.起碼車功好左.

我發覺原來已經做多好多衫仔.但係次次都係著來影一次真係太浪費. 決定拎返d舊野mix & match,希望可以做多d唔同既效果

今次件牛仔褸入面加返件白色有帽褸仔+前陣子做既jumpsuit短衭.草帽子加一朵小花. 都唔錯效果.

炒冷飯之作陸續有來....

本來對呢個孖辮妹冇興趣, 但係見到好多日本blog友都post左.仲影得好鬼靚 .引誘到我好想要...
以為special一定貴好多la.^^ 竟然唔算過份.唔買又對自己唔住la.

到手佢既辮子鬆散.冇日本人影既咁靚.用gel先整理一下就好了.

好喜歡佢既面色妝容.有ccs既感覺, 是近來最值得入手.

真係失禮哂,冇抺窗仲夠膽影......^^" 影果時無留意呀!
見今日下午有少少陽光,諗住影下momoko新造型. 影幾張就忽然冇左太陽,近日既天氣都好飄忽.一時落雨一時又好囇......討厭的天氣

夏天啦,一身健康膚色最合襯. 可惜我怕曬黑會有雀斑,又怕黑左好難白返. 咁就由日肌版momoko代我配合這個夏季吧!
我總認為深色皮膚著白色最出眾, 今次為佢製作夏日浪漫感覺, 繼續絲蕾layer, 短褲係想做層次效果,不過都睇唔到有layer. 仲做多條羅馬式腰belt.(我自己都有一條ka^^) 還是加上一對花邊短襪.
其實成品比設計圖失色,只算勉強見得人.
日肌真係好難影. 實物我覺得靚,但係唔知點影都係唔好睇.總係怪怪地咁...所以我都好少影日肌,得閒要多留意雜誌.黑妹倒底咩造型先最適合呢.

打開雜誌, 你地有冇留意model們都著上短襪, 今期大熱.本來覺得好老土既事,又變得好有型啦。仲要見到有肉色波點阿婆襪襯涼鞋, model著左我又覺得好好睇。街上仲未留意到有人咁著, 又冇新出靚短襪賣.....^^momoko仲快過你地呀!哈哈...

仍然流行層層裙. 今次用左絲蕾花邊做layer.不過lace都唔平喎.我只於前幅使用.我喜歡這個效果. Tin girl 穿上白色lace, 浪漫風格跟她好配. 原本設計是想加一件方形膊的西裝褸.但製作失敗..... 到底係我用料出左問題?還是作方出錯?
讓我想想再試,希望成功.